Integraziun linguistica
Scolars e scolaras chi faun müdeda dal ester u d'ün'otra regiun liguistica da la Svizra a Samedan e chi nu saun auncha üna u tuottas duos linguas d'instrucziun survegnan in nossa scoula üna promoziun linguistica adatteda a lur nivel linguistic da principiants (l'uscheditta "promoziun per iffaunts da lingu'estra).
Quistas lecziuns d'integraziun linguistica accumpagnan ils scolars e las scolaras in media düraunt duos ans. I'ls prüms mais vegnan frequentedas fin a desch lecziuns per eivna, saja que in gruppas pitschnas u eir individuelmaing. Cul svilup da las cumpetenzas linguisticas vain alura eir redotta la quantited da lecziuns, pass per pass.
Normelmaing nu succeda la promoziun linguistica düraunt lecziuns supplementeras, dimpersè per granda part düraunt il temp d’instrucziun reguler da l’iffaunt e tenor cunvegna cullas persunas d'instrucziun pertuchedas.
Persuna d'instrucziun
- duonn'Erica Buzzetti
erica.buzzetti@schule-samedan.ch