Structuras dal di
La Scoula cumünela Samedan spordscha üna maisa da mezdi, üna canorta e las structuras dal di schlargedas.
Maisa da mezdi
La maisa da mezdi superviseda vain spüerta mincha di da las 12.00 a las 13.50h a mincha scolar:a ed a mincha scolarin:a da la scoulina. Ils iffaunts paun piglier cun se lur egen gianter, haun però eir la pussibilited da tscherner il menü da nos caterer. Annunzchas u retrattas d'ün'annunzcha per la maisa da mezdi sun pussiblas, eir a cuorta vista.
Canorta "la structurella" & structuras dal di schlargedas
Supplementermaing a la maisa da mezdi vain missa a disposiziun la canorta (bunura) e las structuras da di schlargedas (zievamezdi) a tuot ils scolars ed a tuot las scolaras da la Scoula cumünela Samedan.
La canorta evra sias portas a bunura a partir da las 07.30 - 08.30h e da las 11.15 - 12.00h.
Las structuras dal di schlargedas cumainzan a las 14.00 e glivran il pü tard a las 18.00h.
Il bsögn da telas structuras vain eruida minch’an aunz il cumanzamaint da l’an da scoula.
Ellas vegnan spüertas, premiss cha que detta almain och annunzchas per zievamezdi.
Ils temps d’arriv e da partenza sun adattos a l’urari da scoula e paun gnir tschernieus correspundentamaing.
Ün'annunzcha fatta es e resta impegnativa per ün semester.
Ils genituors surpiglian üna pitschna part dals cuosts.
Cò as riva tals formulers d'annunzcha (maisa da mezdi & la Structurella).
Cò clappa El / Ella ün'invista i'l concept da la Structurella.
Infurmaziuns pü detagliedas davart la maisa da mezdi e da las structuras da di schlargedas survain Ella/El tal secretariat da la Scoula cumünela da Samedan.