Imsüras pedagogicas particuleras
La promoziun integrativa es üna cumponenta fixa in nos minchadi scolastic ed exprima noss'incletta d'ün'instrucziun adatteda e güsta.
Nus essans per üna scoula,
- ... chi piglia serius ils scolars e las scolaras cun tuot lur particulariteds e chi ho fiduzcha sün que cha mincha scolar:a possa seguir si'egna via.
- ... chi promouva tuot ils scolars e las scolaras tenor lur pussibilteds ed als / las accumpagna in lur svilup persunel.
Promoziun integrativa
Minch'iffaunt porta cun se egnas fermezzas, egens interess ed egnas premissas d’imprender.
Per satisfer quista diversited spordscha nossa scoula üna promoziun integrativa intenziuneda, persunela ed adatteda per iffaunts.
Nossas persunas specialisedas in pedagogia curativa accumpognan ils scolars e las scolaras chi drouvan sustegn supplementer i’l champ scolastic u sociel. Quist sustegn vain spüert – tenor situaziun e premissas – in classa u in sequenzas individuelas. Nus collavurains in möd stret cullas persunas d’instrucziun, culs genituors e – scha’d es necessari – cun instanzas externas specialisedas.
L’intenziun da la promoziun integrativa es da der als iffaunts sgürezza, orientaziun e vias d’imprender adattedas e persunelas, per ch’els possan chatter, druver e svilupper lur potenziel persunel e scolastic.
Cò as riva tal concept da la promoziun integrativa (in lingua tudas-cha).
Pedagogs e pedagogas curativas
- Claudio Giovanoli
claudio.giovanoli@schule-samedan.ch
- Ursula Vetsch cun Orfeo (chaun da scoula diplomo)
ursula.vetsch@schule-samedan.ch
- Claudio Rebelo
claudio.rebelo@schule-samedan.ch
- Nina Del Curto
nina.delcurto@schule-samedan.ch
- Doris Fischer
doris.fischer@schule-samedan.ch