Cor d’iffaunts Filomelas
Important per nus es d’avair bger plaschair e giodimaint vi dal chanter e da passanter bels mumaints in cumpagnia.
La Scoula cumünela da Samedan spordscha i’l an da scoula 2025/26 quatter gruppas.
Mincha gruppa as inscuntra ed exercitescha üna vouta l’eivna.
Las Filomelas mini
Quista spüerta es per scolaras e scolars dal ciclus 1 (1. scoulina fin e cun 2. classa). Las Filomelas mini vegnan quist an spartidas in duos gruppas.
- Gruppa A: Ils iffaunts da 1. classa haun mincha mardi prouva, da las 11.15 – 11.50h. La prouva es illa sela Puoz.
- Gruppa B: Ils iffaunts da la 1. e 2. scoulina e da la 2. classa haun mincha mardi prouva, da 13.20 – 13.55h. La prouva es illa sela Puoz.
Las Filomelas kids
Quista spüerta es per scolars e scolaras dal ciclus 2 (3. fin e cun 6evla classa).
Las prouvas sun adüna in gövgia, da 13.10 – 13.55h, illa sela Puoz u ill’aula.
Las Filomelas teens
Quista spüerta es per giuvenils e giuvenilas dal ciclus 3 (7evla fin e cun 9evla classa) e que in möd da ram opziunel obligatoric.
In generel
Tuot las gruppas vegnan mnedas da duonna Selina Bontognali-Fluor. Ella dirigia daspö bgers an cors regiunels ed ho uschè üna grand’experienza in quist champ.
Las Filomelas kids chauntan pustüt chanzuns e canons ad üna u duos vuschs. Sper chanzuns rumauntschas vegnan eir chantedas chanzuns in otras linguas. La tscherna da las chanzuns es decisiva per svaglier il plaschair e’l gust da chanter.
Illa gruppa Filomelas teens vegnan eir resguardedas las bunas idejas dals iffaunts. Rock, pop, gospels ed oter pü nu dessan gnir a la cuorta.
Las Filomelas as preschaintan düraunt l’an a differentas occurrenzas in vschinauncha ed utrò. Düraunt üna fin d’eivna ho lö il champ da chaunt a Magliaso. El es il «highlight» e prepara als iffaunts pel concert annuel da la fin da gün.
Contact
- Selina Bontognali
selina.bontognali@schule-samedan.ch