Scoulina
La scoulina es il prüm s-chelin da la Scoula cumünela da Samedan ed as rechatta sül areal da scoula Puoz. Cò vegnan ils iffaunts da tschinch e ses ans preparos in gruppas masdedas pel temp da scoula obligatoric. Giuvand vegnan promovidas impustüt la cumpetenza sociela, la cumpetenza illa materia e l’autocumpetenza.
Nossa scoulina vain mneda in möd biling (rumauntsch/tudas-ch da standard). Las trais scoulinas sül areal da scoula spordschan ün spazi optimel d’imprender e da giuver ad arduond 50 iffaunts chi frequaintan pel mumaint las trais classas da la scoulina.
Sper las trais persunas d’instrucziun principelas sustegnan eir auncha: Ün’accumpagnedra linguistica promouva tar tuot ils iffaunts la lingua rumauntscha ed ils iffaunts cun bsögn d'ün'ulteriura promoziun individuela vegnan sustgnieus d’üna pedagoga curativa.
Persunas d'instrucziun:
- scoulina Muottas: Annina Nicolay
- scoulina Gravatscha: Margit Platzgummer
- scoulina Müsella: Maud Andina
- promoziun integrativa: Ursula Vetsch, Erica Buzzetti
- promoziun linguistica: Natalina Robustelli, Ursina Duttweiler