Concept directiv
Concept directiv da la Scoula cumünela Samedan
La Scoula cumünela Samedan as basescha süllas seguaintas valuors fundamentelas:
- stima e sustegn vicendaivel
- toleranza e respet invers conumauns, invers valuors reelas ed invers l'ambiaint
La Scoula cumünela da Samedan accumplescha l’incumbenza leghela da scolaziun per iffaunts e giuvenils resp. giuvenilas e parta la lezcha d’educaziun culs genituors i’l ram da l’incumbenza scolastica.
Scoula cumünela Samedan – publica ed integreda
- Nossa scoula ho ün’incumbenza publica ed es part da la vschinauncha.
- La scoula spordscha a tuots scolars e tuottas scolaras las premissas per as svilupper i'l ram da lur pussibiliteds.
Cultura e clima – cultivo e furmo
- Il clima es caracteriso d’üna ferma cumünaunza, d’üna collavuraziun chi funcziuna bain e d’üna comunicaziun cun stima.
- Nossa scoula dess esser üna cumünaunza per imprender ed üna convivenza in respet.
- Nus essans üna scoula bilingua (rumauntsch/tudas-ch).
Instruir ed imprender – imsüras orientedas a böts ed a la promoziun
- Nus promovains scolars e scolaras in lur svilup per cha possan consolider e schlarger lur cumpetenzas.
- Tenuta, acziuns ed imsüras promouvan ün cumportamaint da classa positiv.
- Mnand la classa in möd positiv, s-chaffinsa ün’atmosfera calma cun orientaziun a l’imprender.
Scolar(a)s – autorespunsabels/-blas ed activ(a)s
- Ils scolars e las scolaras staun i'l center da nos agir pedagogic.
- Ils scolars e las scolaras haun il dret ad üna instrucziun qualitativmaing buna, ad üna vast’infurmaziun ed ad üna cussagliaziun.
- Nus accumpagnains scolars e scolaras düraunt lur temp da furmaziun.
- Tenor lur stedi da svilup surpiglian ils scolars e las scolaras conrespunsabilited per lur success e la convivenza in scoula.
Magistraglia – professiunela e cooperativa
- Scu persunas dal ram e scu team essans nus conrespunsabels per la furmaziun e per il svilup da nossa scoula.
- Nus schlargiains nossas cumpetenzas professiunelas ed examinains la qualited da noss’instrucziun.
- Nus seguins las directivas chantunelas e cumünelas.
Genituors – cooperativs e conrespunsabels
- Nus vains üna tenuta positiva invers la scoula.
- Aviertezza, respet e domenas da respunsabilited sclaridas fuorman la basa per üna collavuraziun cun fiduzcha.
- Nus cultivains üna comunicaziun cun respet, avierta, transparenta e correspundenta a nos temp.
Direcziun da scoula – directiva e supportiva
- Nus mnains la scoula tenor ils princips da direcziun comunichos e sustgnins las collavuraturas ed ils collavuratuors i’l accumplimaint da lur incumbenza professiunela.
- Nus furmains il liam cun la cumischiun da scoula e realisains ils böts strategics.
- Nus planisains a lungia vista e lavurains in möd economic cun nossas ressursas umaunas e finanzielas.
Cumischiun da scoula – impegnativa e transparenta
- Nus essans part da la scoula cumünela e s-chaffins premissas favuraivlas, per cha tuots pertuchos e tuottas pertuchedas possan demusser bunas prestaziuns.
- Nus pussibiltains üna direcziun clera e transparenta sün tuot ils livels.
- Nus collavurains cun nossas vschinaunchas partenarias.